正在剪接視頻中編寫文章菜譜
最近發覺自己記性越來越差，
欖菜肥牛炒飯視頻，
切完肥牛之後忘記加濕馬鈴薯澱粉去令到肥牛更加滑
仲有炒飯基本上多數都要落鹽我都忘記，
淨係落咗生抽唉不過冇所謂啦反正都冇乜人睇
正確調味落一啲鹽跟住就落一啲可以提鮮的醬料如：生抽，美極，一品鮮，魚露，味精。
欖菜鬆炒四季豆
冇乜特別只不過調味方式可以因個人喜好而轉變
鹽糖是基本，中和作用比例1：1，只不過酒樓的提鮮方式多數使用味精。
我自己喺酒樓做法就是用調味好的雞湯加蠔油加糖，勾獻完成
家庭做法可以使用鹽糖再加一啲提鮮的醬料
或者像我酒樓做法一樣加一些史雲生清雞湯蠔油加糖調味，當然你有時間你可以自己煲雞湯
豆豉鯪魚炒油麥菜
因為手機過熱中間中途勾獻最重要嗰一部分冇咗。
因為裏面牽涉到酒樓三鑊以上勾獻的技巧，
要睇下個鍋裏面有幾多水而決定畀幾多濕馬鈴薯定粉去勾獻
我都唔知重唔重新拍過好。唉不過都係算啦唉反正都冇乜人睇
咁我就之後補返個蒜蓉炒油麥菜，清炒油麥菜等等。都其實都差唔多呀
都係要睇返個鑊裏面有幾多水，以決定畀幾多濕馬鈴薯澱粉落去勾獻。
反正呢個勾獻都係要憑經驗決定
所以一般喺酒樓裏面炒菜都只會畀三鑊以上炒
炒鑊學徒係冇資格炒菜，最多都係炸下嘢
因為炒出嚟的所有菜，例如油麥菜，通菜（水通菜,青通菜），菜心和生菜等等
客食完之後碟底係不能夠有大量水，湯汁同大量的食油。
當然啦你炒出嚟啲菜唔可能係發黑啦。
炒出嚟啲菜係黑色嘅話咁你就已經係一個好唔合格嘅廚師呀。
要令啲菜炒出嚟唔會發黑係要對個油控制得好好呢個都係要經驗
其實我一直都想拍攝糖醋玻璃蝦球同埋用蛋白漿做呢個菠蘿咕嚕肉㗎
食譜其實都已經寫咗喺度但係有啲地方要修正，
只不過夜晚收工太夜
買唔到新鮮大九節蝦，所以一直都冇拍到
加上前段時間放假病咗。本來諗住喺冬至之前可以拍攝到出嚟，唉！
另外蛋白漿，脆漿嗰啲調制理論，我應該就暫時未必會再更新，因為基本上都冇乜嘢睇
因為再寫落去係一啲好複雜嘅嘢嚟㗎喇
要去到會所或者係好高級嘅酒樓或者酒店先至會用得到
例如有啲人做酥炸呢個脆漿嘅時候佢哋會加入一啲豬油囉令佢更加酥脆呀
又或者喺一個脆漿裏面加入啤酒呀梳打水呀，仲有直接打一啲二氧化碳落去嗰個脆漿嗰度。
呢啲要解釋應該係要寫好多理論落去不過冇乜人睇就應該就慢慢慢慢更新啦
主要家庭式做法基本上係用唔到，純粹都係滿足下好奇心
等我拍完完呢個糖醋系列之後就應該會轉去拍川菜呀
又或者可能拍一下椒鹽鮮魷呀椒鹽雞翼嗰啲啦
咁因為我做咗脆漿出嚟就冇理由嘥咗佢㗎。
暫時仲未決定，到時可能拍一個魚香蝦球吧。
呢個魚香蝦球其實都同呢個糖醋玻璃蝦球個差唔多呀
一個係粵菜一個川菜囉
做法應該係同呢個糖糖醋玻璃蝦球個差唔多只不過係用咗川菜裏面嘅魚香嘅口味
